Leabhair do Pháistí |
||
 |
NUA-FHOILSITHE Fungie Téacs Dátheangach/Bilingual Text Bog, 32 lch., léaráidí iomlán daite le AnnMarie McCarthy LÉIGH A THUILLEADH | CEANNAIGH Fungie pramsach plabarnach preabach – an Deilf is ansa le gach aon pháiste, an Deilf is ansa le gach aon duine fásta. Deilf dhraíochtúil dhásachtach an Daingin! Oscail agus léigh agus bí faoi gheasa ag eachtraíocht éachtach Fungie. |
|
 |
NUA-FHOILSITHE Ruball Trioball Bog, 48 lch., léaráidí iomlán daite le Emily Colenso LÉIGH A THUILLEADH | CEANNAIGH Saothar samhlaíoch snasta seodmhar ó pheann údar ‘Eachtraí Uchtaigh’ B’aoibhinn le Fionn coileáinín a bheith aige ach tá amhras ar Mham agus Dhaid gurb é sin is ciallmhaire ag an bpointe seo … Soineantacht na heachtraíochta agus gairdeas na páistiúlachta sníofa go draíochtúil cumasach samhlaíoch ar a chéile anseo. Ábhar aoibhinn do pháistí san aoisréimse |
|
 |
(Aois 3-7) le Susan Edwards agus Ré Ó Laighléis Léaráidí le Emily Colenso Bog, A4 leathan, 36 lch., iomlán daite ISBN 978-0-9554079-8-7 Praghas €13.95 LÉIGH A THUILLEADH | CEANNAIGH Buaiteoir ‘Leabhar na Bliana do Dhaoine Óga 2008’ Tagann gliondar ar chroíthe Amy agus Claire nuair a stopann an bháisteach. Anois is féidir leo dul amach chun spraoi. Ach ní heol dóibh a bhfuil rompu in imeacht an spraoi sin. Tá áilleacht agus tuiscint agus bá leis an bpáiste i bhfocail Susan Edwards agus Ré Uí Laighléis anseo. Agus meallfar gach aon duine le draíocht agus dathúlacht agus ceardaíocht aoibhinn léaráidí Emily Colenso! “Is seoid don pháiste é seo ón gcéad leathanach, idir scríobh agus léaráidí, idir dhearadh agus leagan amach… Ábhar do gach gaelscoil agus bunscoil Ghaeltachta sa tír é agus, go deimhin, do gach scoil náisiúnta a bhfuil an teagasc á dhéanamh trí Bhéarla inti chomh maith.” Cuirfidh An Phleist Mhór gliondar ar an uile pháiste. Seoid! |
|
 |
Bolgchaint agus scéalta eile le Ré Ó Laighléis Bog 104 lch. Praghas €8 LÉIGH A THUILLEADH | CEANNAIGH Úr, dúshlánach, ar an sprioc, mar a bhíonn an Laighléiseach i gcónaí maidir le téamaí agus teanga. Arís eile, tá na paraiméadair brúite amach ag máistir-scéalaí na déaglitríochta, díreach mar a rinneadh le Punk, Ecstasy, Gafa agus mórán eile roimhe seo. Ré úr, ábhar úr - ábhar do dhéagléitheoirí óga, a thugann aghaidh go dána ar an saol is cás leo. An draíocht, an cheardaíocht, an tsamhlaíocht, an ealaín - iad uile á n-úscadh as na leathanaigh seo ina slaodanna sárscéalaíochta. "Tá sé déanta cheana ag an Laighléiseach le 'Punk', 'Ecstasy' agus leabhair eile nach iad. Ach seo! Sáraíonn 'Bolgchaint' gach a bhfuil scríofa aige do dhéagóirí óga. Ní fhéadfaí dul thairis mar ábhar d'ardranganna na mbunscoileanna lán-Ghaeilge… Sárscéalaí, agus prós uaidh dá réir. Dúshlánach mealltach snasta." "Tá tuiscint sainiúil agus bá as an ngnáth ag Ré Ó Laighléis le riachtanais téamacha agus teanga an déagléitheora óig. Scéalta den chéad scoth ar an uile bhealach iad seo, a bhfuil substaint agus téagar iontu, dúshlán agus síneadh agus, thar rud ar bith eile, tá gné ríthábhachtach an taitnimh go smior iontu." "Tá an draíocht, an tsamhlaíocht agus an ealaín i measc na dtéamaí éagsúla a chíortar i scéalta ar nós 'Binb', 'Suáilce' agus 'Cor' agus is fíor don bhlurba a mhaíonn go bhfuil 'substaint agus téagar iontu'. "Tá stíl ghlé shoiléir agus cumas comhrá nádúrtha á chur i mbéal gach carachtar ag Ré Ó Laighléis." "…i gcás gach ceann de na scéalta anseo, is iad uaisleacht agus iléirimiúlacht na gcarachtar is mó is ábhar suntais don léitheoir. Is iad na tréithe sin sna carachtair - agus seachaint an dídeanachais ina dtaobh ag an údar féin - a ghineann spéis, a ghineann draíocht, a ghineann fírinne don léitheoir. É sin uile a cheadaíonn na castachtaí sna hinsintí agus sna plotaí anseo agus a chuireann an sméar mhullaigh orthu mar scéalta." "Léiríonn Ré Ó Laighléis chomh héifeachtach agus is féidir leis beatha úrnua a chur i bhfoclaíocht na Gaeilge sa 21ú aois." |
|
 |
NUA-FHOILSITHE le Esther Göbl Uí Nualláin Bog, 96 lch. Le léaráidí daite le Emily Colenso ISBN 978-0-9554079-9-4 Praghas €8 Ainmnithe ar Ghearrliosta Leabhar na Bliana le haghaidh Ghradam Réics Carló 2009 LÉIGH A THUILLEADH | CEANNAIGH “Is cnuasach aoibhinn é seo atá luaite leis an aoisghrúpa 7-9 mbliana, agus ní féidir ach a rá gurb é atá rí-oiriúnach do na léitheoirí céanna ar an uile bhealach.” Scéalta misniúla, scéalta dóchais, scéalta bíogúla a fhreagraíonn go seoigh don riachtanas fáis agus do ghné mhothaíoch an pháiste ag aoisleibhéal na meánranganna bunscoile. Tarlúintí sainiúla samhlaíocha na Soineantachta agus draíocht ghártha na páistiúlachta atá faoi chaibidil. |
|
 |
NUA-FHOILSITHE Bog, 36 lch., iomlán daite ISBN 978-0-9554079-7-0 Praghas €10 LÉIGH A THUILLEADH | CEANNAIGH Nuair a bhuaileann Niuniu amach chun turas a thabhairt fána tír dhúchais féin, An tSín, in éindí lena Daideo, nochtar fírinne di a chuireann alltacht ar a croí, alltacht ar a hintinn, alltacht ar a hanam. Léiríonn an seanfhear saibhreas agus iontais an dúlra dá ghariníon. Ach, má léiríonn féin, cuireann sé an slad atá á dhéanamh ar An Nádúr ar a súile don chailín óg chomh maith. Scrios! Scrios, idir fhoraois agus ghleann agus abhainn agus uile. Múineann an seanóir gaoismhear tuiscint agus meas i leith an dúlra don ghirseach óg. Cothaíonn sé grá dá hoidhreacht inti. Gineann sé síol na fiosrachta inti, ansin fágann fúithi féin é gníomh a dhéanamh. Aistear foghlama, aistear fáis, aistear fealsúnachta don léitheoir óg go domhanda é Na Clocha Síneacha - aistear a thugann aghaidh go calma tuisceanach ar an mbagairt is mó dá bhfuil ann dúinn uile i dtús na mílaoise úire. |
|
 |
An Nollaig sa Naigín le CD Aoiseanna 8-80 bliain ISBN 978-0-9554079-0-1 Praghas €12.50 (Agus anois, in éindí leis an leabhar féin, tá dlúthdhiosca aoibhinn atmaisféarach ar a léann an t-údar féin na scéalta agus ar a bhfuil leaganacha áille comhlánacha de cheol agus iomainn na Nollag) LÉIGH A THUILLEADH | CEANNAIGH Soineantacht an pháiste, grá an tuismitheora, gaois an tseanóra – iad uile ar roithleán na Tuisceana ar Lá Nollag sa Naigín thar thréimhse chúig bliana. Sonas, brón, éagóir agus ceart fite fuaite ar a chéile go healaíonta síos tríd. Aistear draíochtúil, aistear foghlama, aistear fírinne, ar saibhre sinn dá bharr. An Nollaig sa Naigín: é íogair iniúchach paróisteach agus domhanda ag aon am amháin. Idir dhúchas agus ghaois á n-úscadh den uile leathanach den tseoidín seo. Whether child, teenager, adult or one worn-but-wise with age, the reader will be thoroughly enthralled by the innocence, the magic, the sheer humanity and warmth that permeate these pages. Seen through the eyes of the developing child on Christmas Day in five successive years, An Nollaig sa Naigín (Christmas in the Noggin) takes us on a remarkably joyous, emotional and thought-provoking journey in words and illustration. A book for everyone – young and old alike. Aoiseanna: 8 – 80 bliain “Éiríonn go hiomlán leis iontas agus gliondar an pháiste a athchruthú dúinn, an sos faoi leith sin roimh an lá mór i ndomhan atá ag teacht chun stad a chur ar ais inár n-intinn agus béim a chur ar ghrá agus ar shócúlacht an teaghlaigh… Osclóidh an leabhar seo na súile daoibh má dhruid an saol iad.” “A tender family portrait, it points to the importance of grandparents in the nuclear family… The Irish narrative is both lyrically descriptive and moving.” “Is ábhar draíochtúil eisceachtúil é seo a bhféadfadh tuismitheoir a léamh dá pháiste, a bhféadfadh déagóir é a ardú agus a bheith faoi gheasa aige, a bhféadfadh an duine fásta, ar a laghad, an méid céanna taitnimh agus ardú croí agus meanma a bhaint as agus a dhéanfadh an duine óg féin, agus, ar deireadh, a tharraingeodh na deora de shúile gach aon seanóir a thabharfadh faoi é a léamh. Uilíochas agus feabhas ar an uile bhealach, go deimhin, agus an cheardaíocht dá réir, líne ar líne… Ach, dá fheabhas iad tréithe éagsúla an tsaothair aoibhinn seo tríd síos, is iad an daonnacht agus an draíocht atá ann a sháraíonn gach aon ghné eile de.” |
|
| Go Barr | ||
Aithníonn MÓINÍN tacaíocht Fhoras na Gaeilge lena bhfoilseacháin Ghaeilge agus le gné Ghaeilge an tsuímh seo.
MÓINÍN acknowledges Foras na Gaeilge’s support of its Irish language publications and of the Irish element of this website.
